शिव अपराध क्षमापन स्तोत्र हिंदी पाठ | Shiv Apradh Kshamapan Stotra in Hindi

शिव अपराध क्षमापन स्तोत्र (Shiv Apradh Kshamapan Stotra) Lyrics in Hindi

• आदौ कर्मप्रसङ्गात् कलयति कलुषं मातृकुक्षौ स्थितं
  मां विण्मूत्रामध्यमध्ये क्वथयति नितरां जाठरो जातवेदाः ।
  
  यद्यद्वै तत्र दुःखं व्यथयति नितरां शक्यते केन वक्तुं
  क्षन्तव्यो मेऽपराधः शिव शिव शिव भो श्रीमहादेव शम्भो ॥ १ ॥
  
  बाल्ये दुःखातिरेको मललुलितवपुः स्तन्यपाने पिपासानो
  शक्तश्चेन्द्रियेभ्यो भवगुणजनिता जन्तवो मां तुदन्ति ।
  
  नानारोगादिदुःखाद्रुदनपरवशः शङ्करं न स्मरामि
  क्षन्तव्यो मेऽपराधः शिव शिव शिव भो श्रीमहादेव शम्भो ॥ २ ॥
  
  प्रौढोऽहं यौवनस्थो विषयविषधरैः पंचभिर्मर्मसन्धौ
  दष्टो नष्टो विवेकः सुतधनयुवतिस्वादसौख्ये निषण्णः ।
  
  शैवीचिन्ताविहीनं मम हृदयमहो मानगर्वाधिरूढं
  क्षन्तव्यो मेऽपराधः शिव शिव शिव भो श्रीमहादेव शम्भो ॥ ३ ॥
  
  वार्द्धक्ये चेन्द्रियाणां विगतगतिमतिश्चाधिदैवादितापैः
  पापै रोगैर्वियोगैस्त्वनवसितवपुः प्रौढिहीनं च दीनम् ।
  
  मिथ्यामोहाभिलाषैर्धमति मम मनो धूर्जटेानशून्यं
  क्षन्तव्यो मेऽपराधः शिव शिव शिव भो श्रीमहादेव शम्भो ॥ ४ ॥
  
  नो शक्यं स्मार्तकर्म प्रतिपदगहनप्रत्यवायाकुलाख्यं
  श्रौते वार्ता कथं मे द्विजकुलविहिते ब्रह्ममार्गे सुसारे ।
  
  नास्था धर्मे विचारः श्रवणमननयोः किं निदिध्यासितव्यं
  क्षन्तव्यो मेऽपराधः शिव शिव शिव भो श्रीमहादेव शम्भो ॥ ५ ॥
  
  स्नात्वा प्रत्यूषकाले स्नपनविधिविधौ नाहृतं गाङ्गतोयं
  पूजार्थं वा कदाचिद्बहुतरगहनात्खण्डबिल्वीदलानि ।
  
  नानीता पद्ममाला सरसि विकसिता गन्धपुष्पे त्वदर्थं
  क्षन्तव्यो मेऽपराधः शिव शिव शिव भो श्रीमहादेव शम्भो ॥ ६ ॥
  
  दुग्धैर्मध्वाज्ययुक्तैर्दधिसितसहितैः स्नापितं नैव लिङ्गं
  नो लिप्तं चन्दनाद्यैः कनकविरचितैः पूजितं न प्रसूनैः ।
  
  धूपैः कर्पूरदीपैर्विविधरसयतै व भक्ष्योपहारैः
  क्षन्तव्यो मेऽपराधः शिव शिव शिव भो श्रीमहादेव शम्भो ॥ ७ ॥
  
  ध्यात्वा चित्ते शिवाख्यं प्रचरतरधनं नैव दत्तं द्विजेभ्यो
  हव्यं ते लक्षसंख्यैर्हतवहवदने नार्पितं बीजमन्त्रैः ।
  
  नो तप्तं गाङ्गतीरे व्रतजपनियमै रुद्रजाप्यैर्न वेदैः
  क्षन्तव्यो मेऽपराधः शिव शिव शिव भो श्रीमहादेव शम्भो ॥ ८ ॥
  
  स्थित्वा स्थाने सरोजे प्रणवमयमरुत्कुण्डले सूक्ष्ममार्गे
  शान्ते स्वान्ते प्रलीने प्रकटितविभवे ज्योतिरूपे पराख्ये ।
  
  लिङ्गज्ञे ब्रह्मवाक्ये सकलतनुगतं शङ्करं न स्मरामि
  क्षन्तव्यो मेऽपराधः शिव शिव शिव भो श्रीमहादेव शम्भो ॥ ९ ॥
  
  नग्नो निःसङ्गशुद्धस्त्रिगुणविरहितो ध्वस्तमोहान्धकारो
  नासाग्रे न्यस्तदृष्टिर्विदितभवगुणो नैव दृष्टः कदाचित् ।
  
  उन्मन्यावस्थया त्वां विगत कलिमलं शंकरं न स्मरामि
  क्षन्तव्यो मेऽपराधः शिव शिव शिव भो श्रीमहादेव शम्भो ॥ १० ॥
  
  चन्द्रोद्भासितशेखरे स्मरहरे गङ्गाधरे शंकरे
  सर्भूषितकण्ठकर्णविवरे नेत्रोत्थवैश्वानरे ।
  
  दन्तित्वकृतसुन्दराम्बरधरे त्रैलोक्यसारे
  हरेमोक्षार्थं कुरु चित्तवृत्तिमखिलामन्यैस्तु किं कर्मभिः ॥ ११ ॥
  
  किं वानेन धनेन वाजिकरिभिः प्राप्तेन राज्येन
  किं किं वा पुत्रकलत्रमित्रपशुभिर्देहेन गेहेन किम् ।
  
  ज्ञात्वैतत्क्षणभङ्गरं सपदि रे त्याज्यं मनो दूरतः
  स्वात्मार्थं गुरुवाक्यतो भज भज श्रीपार्वतीवल्लभम् ॥ १२ ॥
  
  आयुर्नश्यति पश्यतां प्रतिदिनं याति क्षयं यौवनं
  प्रत्यायान्ति गताः पुनर्न दिवसाः कालो जगद्भक्षकः ।
  
  लक्ष्मीस्तोयतरङ्गभङ्गचपला विद्युच्चलं जीवितं
  तस्मान्मां शरणागतं शरणद त्वं रक्ष रक्षाधुना ॥ १३ ॥
  
  करचरणकृतं वाक्कायजं कर्मजं वा
  श्रवणनयनजं वा मानसं वापराधम् ।
  
  विहितमविहितं वा सर्वमेतत्क्षमस्व
  जय जय करुणाब्धे श्रीमहादेव शम्भो ॥ १४ ॥
  
  ॥ इति श्रीशिवापराधक्षमापनस्तोत्रं सम्पूर्णम् ॥
  

डाउनलोड ऐप